അങ്കക്കാരൻ തെയ്യം.

കടത്തനാട്ടു സ്വരൂപത്തിൽപെട്ട പ്രദേശങ്ങളിൽ മുന്നൂറ്റാന്മാർ കെട്ടിയാടിക്കാറുള്ള തിറയാണ് അങ്കക്കാരൻ ദൈവം. 
തീയ സമുദായക്കാരുടെ ആരാധനാ മൂർത്തികളിൽ ഒന്നാണിത്.

ഐതിഹ്യം 

അങ്കക്കാരൻ തെയ്യത്തിന് പ്രധാനമായും രണ്ട് ഐതിഹ്യങ്ങളാണുള്ളത്:

• രാമായണ കഥയുമായുള്ള ബന്ധം: അങ്കക്കാരൻ തെയ്യത്തിന്റെ ഏറ്റവും പ്രശസ്തമായ സങ്കല്പം രാമായണവുമായി ബന്ധപ്പെട്ടതാണ്. തലശ്ശേരിയിലെ പ്രസിദ്ധമായ അണ്ടലൂർ കാവിലാണ് ഈ സങ്കൽപ്പത്തിൽ അങ്കക്കാരൻ കെട്ടിയാടപ്പെടുന്നത്. ശ്രീരാമന്റെ വിശ്വസ്തനായ സഹോദരൻ ലക്ഷ്മണനെയാണ് അങ്കക്കാരൻ പ്രതിനിധീകരിക്കുന്നത്. രാമനെ 'ദൈവത്താർ' തെയ്യമായും, ഹനുമാനെ 'ബപ്പൂരാൻ' തെയ്യമായും ഇവിടെ അവതരിപ്പിക്കുന്നു. ഈ മൂന്ന് തെയ്യങ്ങളും ഒരുമിച്ചാണ് അണ്ടലൂർ കാവിൽ കെട്ടിയാടുക.

• യോദ്ധാവിന്റെ സ്മരണ: യുദ്ധത്തിൽ മരിച്ചു വീണ അതിപരാക്രമിയായ ഒരു വീരയോദ്ധാവിന്റെ സ്മരണയ്ക്കായും ചിലയിടങ്ങളിൽ അങ്കക്കാരൻ തെയ്യം കെട്ടിയാടപ്പെടുന്നു. നാടിന് വേണ്ടി പൊരുതി മരിച്ച ആ വീരനെ പിന്നീട് ജനങ്ങൾ ദൈവമായി ആരാധിക്കാൻ തുടങ്ങി എന്നാണ് ഇതിനു പിന്നിലെ വിശ്വാസം.

മറുതോലയുമായുള്ള (ശത്രുവുമായുള്ള) പോരാട്ടം ഇതിന്റെ ഒരു സവിശേഷതയാണ്.
പയ്യൂർ മലകളിൽ വെച്ച് അങ്കക്കാരൻ മറുതോലയായ (ശത്രുവായ) കേളുവിനെ പരാജയപ്പെടുത്തുന്നു.
അതിനു ശേഷം കേളു മുന്ന് തവണ ഒളിച്ചിരുന്നപ്പോള് മൂന്നാം വട്ടം കേളുവിനെ കണ്ടെത്തുകയും കൊല്ലുകയും ചെയ്യുന്നു. 
തെയ്യം കെട്ടുമ്പോൾ മറുതോലയായി ചുവന്ന നെറ്റിപ്പട്ടം കെട്ടിയ ഒരാള് വാളുമായി വരും. 
അവരില്‍ നിന്നും വാള് വാങ്ങി അങ്കക്കാരൻ പരാജിതനെ കൊല്ലുന്നതായി കാണിക്കും.
അങ്കക്കാരന് എന്ന് പറഞ്ഞാല് തന്നെ യുദ്ധം ചെയ്യുന്നവന് എന്നാണർത്ഥം .
പാരമ്പര്യരീതിയിലുള്ള പയറ്റിൽ ഏർപ്പെടുന്നയാൾ എന്നും പറയും.
നല്ലൊരു കളരി അഭ്യാസി കൂടിയായ കോലക്കാരൻ കെട്ടിയാലേ ഈ തെയ്യം ശോഭിക്കൂ. 
ഭക്തർ തങ്ങളുടെ കളവു മുതല് ആഭരണങ്ങള് തുടങ്ങിയവ തിരികെ ലഭിക്കാനും ക്രിമിനല് കേസുകളിൽ തങ്ങൾക്ക് ജയമുണ്ടാകാനും ഒക്കെ ഈ തെയ്യത്തെ ആരാധിക്കുന്നു.

ചേരമാന് കെട്ടില് പടനായരുടെ സങ്കല്പ്പാത്തിലുള്ള കരിവഞ്ചാല് ദൈവത്താര് എന്ന തെയ്യത്തെയും അങ്കക്കാരന് എന്ന് പറയാറുണ്ട്.
വണ്ണാന് സമുദായക്കാരാണ് ഈ തെയ്യം കെട്ടിയാടാറുള്ളത്. 
യുദ്ധ പരാക്രമിയായ ഒരാളുടെ സ്മരണക്ക് വേണ്ടി കെട്ടുന്ന ഒരു തെയ്യമായാണ് ഇതിനെ കണക്കാക്കുന്നത്.

അങ്കക്കാരനും ബപ്പൂരനും (ലക്ഷ്മണനും ഹനുമാനും)

അണ്ടലൂര് കാവില് അണ്ടലൂർ തെയ്യത്തോടോപ്പം കെട്ടിയാടിക്കുന്ന അങ്കക്കാരന് തെയ്യം ലക്ഷ്മണനാണ്.
വെള്ളിയില് തീര്ത്ത് മുടിയാണ് അങ്കക്കാരന് അണിയുന്നത്. 
രൌദ്രഭാവം പ്രകടമാക്കുന്ന കടും കറുപ്പ് നിറത്തിലുള്ള മുഖത്തെഴുത്താണ് ഈ തെയ്യത്തിന്റെത്. 
ഈ തെയ്യത്തിന്റെ കൂടെ കെട്ടിയാടിക്കുന്ന ദൈവമാണ് ഹനുമാന് സങ്കല്പ്പുത്തിലുള്ള പപ്പൂരന് തെയ്യം.

പ്രധാന സവിശേഷതകൾ

• വേഷവിധാനം: തികഞ്ഞ രൗദ്രഭാവം പ്രകടമാക്കുന്ന കടും കറുപ്പ് നിറത്തിലുള്ള മുഖത്തെഴുത്താണ് ഈ തെയ്യത്തിന്റേത്. വെള്ളിയിൽ തീർത്ത വലിയ തിരുമുടിയാണ് അങ്കക്കാരൻ അണിയുന്നത്. ഇത് തെയ്യത്തിന് വലിയൊരു ഗാംഭീര്യം നൽകുന്നു.

• അവതരണ ശൈലി: യുദ്ധത്തിന് പോകുന്ന ഒരു പടയാളിയുടെ ചടുലതയും വേഗതയും അങ്കക്കാരന്റെ ചുവടുകൾക്കുണ്ട്. മറുതലയുമായുള്ള (എതിരാളിയുമായുള്ള) പോരാട്ടം ഈ തെയ്യത്തിന്റെ അവതരണത്തിലെ ഒരു പ്രധാന ആകർഷണമാണ്.